The Last Duel

The Last Duel ★★★★★

واحد من اعظم الاعمال اللي قدمها المخرج ريدلي سكوت ملحمة اكثر من رائعة وحوارات عظيمة لابعد حد في اول خمس دقايق من الفيلم راح يعطيك شعور انك مقبل على عمل عظيم وبالفعل هذا اللي صار دايماً احب الافلام اللي تكون قصتها من وجهات نظر مختلفة وشيء مثير للاهتمام تسمع القصة وتفاصيلها من اشخاص مختلفين وبعدها تقعد تربط الاحداث وتحلل من فيهم كلامه حقيقي وهذا الشيء جداً حمسني وخلاني اركز بشكل كبير على الحوارات اللي كانت في الثلاث القصص المختلفة الفيلم اعطاني بعض من ذكريات فيلم ريدلي الاعظم " غلاديتور " خصوصاً في مشاهد القتال اللي كانت رهيبة حرفياً كذلك الاداءات الشخصية للممثلين كانت رائعة خصوصاً الممثلة جودي كومر قدمت اداء جميل وما استغرب اذا ترشحت اوسكار عليه الفيلم اخراجياً كان مذهل والبيئة ساعدت الفيلم بشكل كبير ان يظهر بهذا الجمال ومشاهد الاغتصاب اللي تم تقطعيها عندنا ومحد يختلف اساساً ان كان لازم يتم تقطعيها ولكن هذي المشاهد خصيصاً كانت عنصر مؤثر كبير في القصة ويجب على المشاهدين ان يشوفونها عشان يعرفون حقيقة وجهات النظر اللي كانت تختلف بين الثلاث شخصيات وهذا سبب كبير خلاني ما اروح السينما واتابعه بسبب التقطيع المهم اللي صار في القصة في النهاية بلا شك واحد من اعظم افلام هذي السنة وراح يكون له شأن كبير في جوائز الاوسكار

‮حمد‬ liked these reviews